Газетага язылу

Түбән Новгород өлкәсенең Сергач шәһәрендә Габдулла Тукайга һәйкәл ачылды

2026 елның 13 ноябрендә Түбән Новгород өлкәсенең Сергач шәһәрендә Габдулла Тукайга беренче һәйкәл ачылды.

Түбән Новгород өлкәсенең Сергач шәһәрендә Габдулла Тукайга һәйкәл ачылды
Фотолар: шәхси архивтан

Шагыйрьнең тууына 140 ел тулуга багышланган зур чарада Түбән Новгород өлкәсе хөкүмәте рәисе урынбасары Екатерина Солнцева, Татарстан республикасы Премьер-министры урынбасары , Бөтендөнья татар конгрессы Милли шурасы рәисе Васил Шәйхразиев, Сергач муниципаль округы башлыгы Олег Радаев, сәүдә-икътисадый Татарстан Республикасының Түбән Новгород өлкәсендәге вәкиле, башкарма директоры Түбән Новгород өлкәсе татарларының төбәк милли-мәдәни автономиясе Тимур Шәрәфетдинов катнашты.

Күпсанлы кунаклар арасында Түбән Новгород дәүләт хакимияте органнары вәкилләре, Татарстан Республикасы һәм өлкәләре, муниципаль берәмлекләр җитәкчеләре, депутатлар, федераль ведомстволарның территориаль органнары җитәкчеләре, руханилар, мәдәният эшлеклеләре, милли-мәдәни берләшмәләр вәкилләре, эшмәкәрләр, меценатлар һәм хәйриячеләр бар иде.

Екатерина Солнцева тантанадагы чыгышында мемориал ачылуның ике төбәк өчен аерым тарихи әһәмияте булуын әйтте. Мемориалны булдыру тәкъдиме белән Сергач татарлары 2025 ел ахырында Бөтендөнья татар конгрессы җитәкчелегенә мөрәҗәгать иткәннәр. Аны Васил Шәйхразиев хуплый һәм ул озакка сузмыйча гамәлгә дә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

Көн хәбәре