Татарстан Урман хуҗалыгы министрлыгы коррупциягә каршы көрәш өлкәсендә нинди эш башкара? Бу хакта тармак министрының беренче урынбасары Илгизәр Зарипов белән сөйләштек.
– Илгизәр Наилевич, Татарстан министрлыкта коррупциягә каршы тору өлкәсендәге эшенең төп өстенлекләре нинди?
– Коррупциягә каршы тору өлкәсендәге эшенең төп өстенлекләре булып үтәкүренмәлелек, өйрәтү һәм профилактика, мониторинг, шулай ук процессларны цифрлаштыру тора. Җентекләбрәк әйткәндә, урманнарны саклау, яклау һәм яңадан торгызу буенча башкарыла торган эшләр турында гавами хисапларны, яңалыкларны һәм мәгълүмати материалларны Министрлыкның рәсми сайтында, «ВКонтакте» һәм «Одноклассники» социаль челтәрләрендәге бергәлекләрдә, шулай ук массакүләм мәгълүмат чараларында даими урнаштырып, ачыклыкка ирешелә. Моннан тыш, без, гражданнарны тармак эшчәнлегенә контрольлек итүгә җәлеп итү өчен, башка оешмалар белән дә хезмәттәшлек итәбез.
Укыту һәм профилактика хезмәткәрләр өчен этика һәм коррупциягә каршы законнар буенча семинарлар үткәрүне күздә тота. Без шулай ук, хокук бозулар турындагы теләсә нинди сигналларга оператив җавап бирү өчен, хокук саклау органнары белән дә тыгыз эшлибез.
Мониторинг даими эчке тикшерүләрне күздә тота, алар коррупция куркынычларын вакытында ачыкларга һәм бетерергә мөмкинлек бирә.
Процессларны цифрлаштыру Министрлыкның барлык 14 дәүләт хезмәтен электрон рәвешкә күчерү белән тәэмин ителә. Гражданнар алардан Министрлык, КФУ, Дәүләт һәм муниципаль хезмәтләрнең бердәм порталы, Татарстан Республикасы дәүләт һәм муниципаль хезмәтләр порталы яисә Урман комплексының федераль дәүләт мәгълүмат системасы аша файдалана ала.Кече һәм урта эшкуарлык урман утыртмаларын сату-алу шартнамәсен төзү хокукын сату буенча субъектлары https://sale.zakazrf.ru/ электрон мәйданчыгында аукционнарда катнаша. Техника, җайланмалар һәм башка товарларны (эшләрне, хезмәт күрсәтүләрне) сатып алу https://zakupki.gov.ru/ бердәм мәгълүмат системасында башкарыла, бу хокук бозулар куркынычын киметә.
Әлеге чаралар тармакка ышанычны ныгытуга һәм урман ресурслары белән тотрыклы идарә итүне тәэмин итүгә юнәлдерелгән.
– 2025 елда коррупциягә каршы көрәш кысаларында нәрсәләр эшләнде?
– Әлеге эш кысаларында быел коррупциягә каршы көрәш комиссиясенең 3 утырышы уздырылды. Бу киңәшмәләрдә без коррупциягә каршы сәясәт чараларын гамәлгә ашыру турындагы хисапларны җентекләп карадык, коррупция күренешләрен профилактикалау мәсьәләләре буенча фикер алыштык һәм контрольне яхшырту буенча тәкъдимнәр эшләдек.
Дәүләт граждан хезмәткәрләре тарафыннан керемнәр, чыгымнар, мөлкәт һәм мөлкәт рәвешендәге йөкләмәләр турында тапшырыла торган белешмәләрне кабул итү, аларның дөреслеген, тулылыгын тикшерү, һичшиксез, төп юнәлеш булып кала. Мондый мәгълүматларны Министрлык хезмәткәрләре генә түгел, ведомство буйсынуындагы учреждениеләр җитәкчеләре – урманчылыкларның җитәкче-урманчылары һәм республика урман хуҗалыклары директорлары да бирә. Агымдагы елда 49 дәүләт хезмәткәре һәм ведомство карамагындагы учреждениеләрнең 56 җитәкчесе тарафыннан тапшырылган белешмәләр тикшерелде.
Моннан тыш, Министрлыкка дәүләт хезмәткәрләреннән башка түләүле эш башкару турында 2 хәбәр, шулай ук оешмалардан дәүләт граждан хезмәте вазыйфасын биләгән гражданин белән хезмәт килешүен, шул исәптән хезмәт контрактын төзү турында 7 хәбәр килде. Бу мәгълүматлар хокук бозуларны булдырмау өчен җентекләп анализлана.
Коррупциягә каршы бәйсез экспертиза уздыру өчен Татарстан Республикасының рәсми порталында 9 норматив хокукый акт проекты урнаштырылды. Бу иҗтимагый фикер алышуга һәм тәкъдимнәр кертүгә мөмкинлек ача, законнарның сыйфатын яхшыртуга һәм коррупция куркынычларын киметүгә ярдәм итә.
– Коррупциягә каршы тору турындагы законнар таләпләрен үтәү өлешендә министрлык бүлекләре эшчәнлеген кем тикшерә?
– Министрлыгында коррупциячел хокук бозуларны кисәтү өчен җаваплы зат билгеләнде. Бу вазыйфаи зат коррупциягә каршы сәясәт чараларын гамәлгә ашыруны координацияли, шул исәптән бүлекләр эшчәнлеген даими тикшереп тора. Министрлыкның 2014 елның 20 маендагы 188-осн номерлы боерыгы нигезендә, вазыйфа биләү коррупция куркынычы белән бәйле булган дәүләт хезмәтенең 11 вазыйфасы расланган.
Эшчәнлекләре җентекләп тикшерелә торган структур бүлекчәләр арасында аренда мөнәсәбәтләре бүлеге, урман фондын саклау һәм яклау секторы, дәүләт урман реестры, урманнардан файдалану һәм урман корылышы бүлеге, шулай ук дәүләт контроле һәм күзәтчелеге бүлеге бар. Тикшерүләр эчке аудит һәм махсус комиссия утырышлары кысаларында үткәрелә, анда хисаплар анализлана, куркынычларга бәяләү үткәрелә һәм аларны минимальләштерү буенча чаралар эшләнә.
Мондый тикшерүләр законнар үтәлешен тәэмин итеп кенә калмый, ә урман ресурслары белән идарә итүнең нәтиҗәлелеген арттыруга да ярдәм итә. Без эшебезгә ышанычны югары дәрәҗәдә саклап калу өчен әлеге механизмнарны камилләштерүне дәвам итәчәкбез.
–Илгизәр Наилевич, хокук бозулар турында ничек хәбәр итәргә мөмкин?
– Без хокук бозулар турында теләсә нинди мәгълүматны хуплыйбыз. Һәр гражданин алар турында теләсә нинди уңайлы ысул белән хәбәр итә ала. Моның өчен мөрәҗәгать итүченең теләге буенча конфиденциальлек һәм анонимлыкны гарантияли торган берничә элемтә каналы каралган. Шуның берсе – 8 (843) 221-37-23 номерлы «ышаныч телефоны». Эш вакытында шалтыратырга һәм хәбәр калдырырга мөмкин, ул теркәләчәк һәм тикшерү өчен җаваплы хезмәткәрләргә тапшырылачак. Икенче вариант – хатны яисә язуны Ямашев проспекты, 37А адресы буенча министрлык бинасында урнашкан «Ышаныч тартмасында» калдырырга була.
Моннан тыш, министрлыкның рәсми сайтында ел саен җәмәгатьчелек арасында коррупция торышы турында онлайн-сораштыру уздырыла. Бу киң аудитория фикерен җыю белән берлектә, тенденцияләрне һәм проблемаларны ачыкларга да мөмкинлек бирә. Сораштыруда сылтама буенча катнашырга мөмкин: https://minleshoz.tatarstan.ru/opros-obshchestvennogo-mneniya-anketirovanie.htm.
Әгәр уңайлы дип табылса, электрон почта аша да мөрәҗәгать итәргә киңәш итәбез. Килгән барлык хәбәрләр дә җентекләп анализлана һәм алар буенча тикшерүләр үткәрелә. Без алынган мәгълүматның бары тик эшне яхшырту һәм коррупциягә каршы көрәшү максатларында гына кулланылачагын гарантиялибез.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез