Урманга барганда этне ни өчен муенчак белән генә алып барырга кирәклеген аңлаттылар

Бу хакта РИА Новостига "Приморье урманчылыгы" Кавалеровск филиалы директоры Артем Колесник сөйләгән.
"Иң куркыныч сценарийларның берсе — үзең белән урманга муенчаксыз гына эт алу. Урманда иркенләп йөгереп йөрүче эт, аю барлыгын сизгәндә беренче эш итеп, өрә-өрә җәнлеккә ташланачак. Ярсыган ерткыч аның өстенә ташлангач, эт куркудан хуҗасы янына йөгерә. Шуңа күрә эт белән урманга (гөмбә, җиләккә) барганда төп кагыйдә: эт муенчаклы булырга тиеш", — дигән Колесник. Мондый очракларда этләр һәрвакыт диярлек аюны үз хуҗалары янына "китерә" дип билгеләп үтә ул.
Әңгәмәдәш шулай ук эт белән аю бер-берсенә ташланган очракта үзеңне ничек тотарга кирәклеген аңлатты.
"Эткә ярдәм итәргә тырышып, хайваннарны аерырга ярамый. Бердәнбер дөрес адым – ерткычны куркыту. Кычкырырга, шауларга, фальшфейер кабызырга һәм куркынычсыз урынга чигенергә", — дигән ул.

БЕЗНЕҢ МАКС КАНАЛЫНА ЯЗЫЛЫГЫЗ!