Җыелыш Казан IT-паркында узды, ул югары һәм урта һөнәри белем бирү системасында коррупциягә каршы торуның заманча инструментларына багышланган иде.
Доклад белән ТР Үзәк сайлау комиссиясе аппараты консультанты Искәндәр Әхмәдиев чыгыш ясады. Ул вузларда һәм ссузларда коррупция күренешләрен профилактикалауның гамәлдәге механизмнарына җентекләп тукталды, студентларның хокукый грамоталылыгын арттыру һәм иҗтимагый контроль институтын үстерү зарурлыгына басым ясады.
Очрашуда катнашучылар фикер алыштылар һәм Татарстан мәгариф учреждениеләрендә коррупциягә каршы эшне көчәйтү буенча конкрет адымнар тәкъдим иттеләр.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез