Тикшерүләрне «Метроэлектротранс» муниципаль унитар предприятиесенең контроль-ревизия бүлеге хезмәткәрләре Казанның Транспорт комитеты белән берлектә үткәрә. Рейдларда 45 ревизор катнаша, аларның һәркайсы видеорегистратор куллана.
Контролерлар кондукторсыз системага смартфон базасында махсус терминал аша тоташа, бу транзакцияләр турындагы мәгълүматларны чагыштырырга мөмкинлек бирә. Пассажирлар акчалата түләгәндә банк, транспорт картасы яки социаль карта яисә кәгазь билет күрсәтергә тиеш.
Чыганак мәгълүматлары буенча, ел башыннан 127 билетсыз пассажир ачыкланган. «Метроэлектротранс»та билгеләп үтүләренчә, билетсыз йөрүчеләрнең күбесе качарга тырыша яки онытып җибәрдем дип аклана. Алар, нигездә, 26 яшьтән алып 45 яшькә кадәргеләр.
Казанда җәмәгать транспортында билетсыз йөргән өчен штраф күләме 2,5 мең сум тәшкил итә, аны 60 көн эчендә түләргә кирәк.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез