01 декабрь 2025 Яңалыклар

Васильево бистәсендә этләр һөҗүм иткән кызның хәле турында соңгы мәгълүматлар билгеле

Васильево бистәсендә этләр көтүе һөҗүменнән зыян күргән 9 яшьлек кызның хәле бик авыр дип бәяләнә.

Бу хакта "Татар-информ"га Татарстанның Республика балалар клиник хастаханәсе матбугат хезмәтендә сөйләделәр.

"Үзгәрешсез халәт. Бала реанимация бүлегенә салынган. Үпкәләре ясалма вентиляциядә, ЭКМО аппараты тоташтырылган. Табиблар баланың гомерен саклап калу өчен бөтен көчен куя», - дип сөйләгәннәр агентлыкка

Исегезгә төшерәбез, җомга көнне Васильево бистәсендә «Молодежный» автобус тукталышында этләр көтүе 9 яшьлек кызга һөҗүм иткән. Баланың бөтен тәнендә умырылган һәм тешләнгән күпсанлы яралары теркәлгән.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!