16 декабрь 2025 Яңалыклар

Владимир Леонов: «2026 елда Казанда биатлон буенча зур турнир уздырырга телибез»

2026 елда Казанда биатлон буенча зур турнирлар уздырылырга мөмкин. Бу хакта ТР Министрлар Кабинетында узган брифингта Татарстан спорт министры Владимир Леонов хәбәр итте.

Бу хакта «Татар-информ» хәбәр итте.

«Биатлон буенча зур турнир уздыру теләге бар. Бүгенге көндә Тынычлык бистәсендәге комплекс ярышлар уздыру өчен тулысынча әзер. Гыйнвар башында узачак Россия беренчелеге безнең өчен сынау проекты булачак», - дип белдерде ул.

Шулай ук 2026 ел башында Казанга Россия Биатлон федерациясе президенты Виктор Майгуров килергә тиеш.

Леонов фикеренчә, Казандагы чаңгы-биатлон комплексы – илдәге иң яхшы комплексларның берсе. Әмма анда әлегә биатлон буенча һәвәскәр спортчылар арасында гына ярышлар уздырылды.

Сүз уңаеннан, хәзерге вакытта Татарстанда “Туристлык һәм кунакчыллык” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"