Россия Президенты Владимир Путин форумда катнашучыларга видео аша мөрәҗәгать итеп, ике илнең хезмәттәшлегенә йомгак ясаган һәм планнар билгеләгән. Владимир Путин әйтүенчә, Россия белән Кыргызстан арасындагы икътисад тотрыклы үсеп килә. Узган елгы йомгаклар буенча, сәүдә әйләнеше 26 процентка үсеп, 5 миллиард доллардан арткан. Владимир Путин гуманитар юнәлешкә аерым тукталып үткән. “Россия һәм Кыргызстан фән, мәдәният, спорт өлкәләрендә, шулай ук иҗтимагый, яшьләр даирәләренә караган мәсьәләләр буенча иңгә-иң торып хезмәттәшлек итә. Мәскәү Кыргызстанда рус телендә укыту күздә тотылган 9 мәктәп төзүне дәвам итә, Бишкәктә Славян университетының яңа кампусын төзи, Кыргызстанның уку йортларын кулланмалар белән даими тәэмин итә, аларга квалификацияле педагоглар җибәрә”, – дигән Президент.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез