25 август 2026 Яңалыклар

Владимир Путин Татарстаннан очучы егеткә үлгәннән соң Россия Герое исемен бирде

17 нче гвардия армия авиациясе бригадасының Ка-52 вертолеты (“Аллигатор”) командиры Тимур Гыймранов быел март аенда һәлак булган.

Ка-52 вертолеты командиры, гвардия капитаны Тимур Гыймрановка үлгәннән соң Россия Герое исемен биргәннәр. Бу хакта tatarstan24 “БИЗНЕС Online” мәгълүматларына таянып яза.

Тимур Гыймранов быел март аенда хәрби бурычын үтәгәндә һәлак булган. Ул 17 нче гвардия армия авиациясе бригадасында Ка-52 вертолеты командиры булып хезмәт иткән. Махсус хәрби операциясенең беренче көннәреннән үк СВО зонасында хәрби бурычларын үтәгән.

20 мартта Гыймрановның вертолеты камикадзе-дроннар һөҗүменә эләккән. Командир, ут эчендәге техниканы җиргә утыртып, штурман Илья Кужлев белән вертолеттан чыгып китә алган. Ләкин җирдә дә экипажга пилотсыз очкычлар һөҗүм иткән. Хәрбиләрнең икесе дә һәлак булган.

Гыймрановка бик күп хәрби очышлар ясаганы өчен Россия Герое исемен биргәннәр. Очучы Биектау районында җирләнгән. Шулай итеп, Тимур Гыймранов махсус хәрби операция барышында Татарстаннан Россия Герое исеменә лаек булган 18 нче хәрби булды.

БЕЗНЕҢ МАКС КАНАЛЫНА ЯЗЫЛЫГЫЗ!

Путин, Владимир Путин, Президент России, Президент РФ Владимир Путин, СВО, эвакуированные, эвакуируемые, донбасс, днр, лнр , донецк , луганск , донецкая , луганская , переселенцы , украина , фейк , санкции , импортозамещение , "служба по контракту" , моб