03 февраль 2026 Яңалыклар

Владимир Путин узган ел нәтиҗәләре буенча Россиядә эчке тулаем продукт 1 процентка артуын әйтте

2025 елда Россия икътисады 1 процентка үсте. РФ Президенты Владимир Путин 2026 елда икътисади мәсьәләләр буенча беренче киңәшмәдә шулай дип белдерде, дип яза «Татар-информ».

«Узган ел нәтиҗәләре буенча Россия эчке тулаем продуктының 1 процентка артуын билгеләп үтәм», – диде дәүләт башлыгы.

Шуңа бәйле рәвештә, Россия лидеры эчке тулаем продукт динамикасы узган елларга караганда түбәнрәк булуын таныды. Әмма, аның сүзләренчә, бу инфляциягә каршы көрәшү өчен башкарылды.

Элегрәк РФ вице-премьеры Александр Новак Федерация Советының икътисади сәясәт комитеты утырышында узган ел эчке тулаем продукт үсеше буенча шундый ук мәгълүмат китерде. Ул «кырыс акча-кредит сәясәтен үткәрүне дә, кырыс бюджет сәясәтен алып баруны да» телгә алды.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!