20 май 2026 Яңалыклар

Вузларда түләүле уку бәясен чикләргә тәкъдим иттеләр

Дәүләт Думасында Юрий Афонин җитәкчелегендә бер төркем депутатлар югары уку йортларында түләүле укыту бәясен чикләүне күздә тоткан закон проектын парламент каравына кертергә җыена.

Биредә белем бирү хакын тиешле белгечлек буенча студентны әзерләүгә дәүләт тоткан чыгымнан 125 проценттан күбрәккә арттырмау турында сүз бара, дип яза «ТАСС».

Шул рәвешле «Коммерциясез оешмалар турында» федераль законның 92 статьясына төзәтмәләр кертү тәкъдим ителә. Проект авторлары фикеренчә, мондый карар бюджет урынына керү өчен баллары аз гына җитеп бетмәгән егет-кызларга югары белем алу мөмкинлеген арттырачак.

Юрий Афонин аңлатып үткәнчә, дәүләт барлык студентларны да бюджет хисабына укыта алмый икән, түләүле укыту бәясенең нык «тешләвенә» юл куймаска тиеш.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",