«Татарстанлылар сәламәтлек мөмкинлекләре чикле гражданнарның хокукларын яклау өчен «Халык инспекторы» кушымтасын актив куллана. «Инвалидлар өчен парковка» категориясе буенча гына да кулланучылар 47 меңнән артык гариза юллаган. Инвалид коляскасындагы кеше өчен якын-тирәдә машина кую урыны булу – тормыш таләбе. Кулланучылар чынлыкта шундый гражданнарның цифрлы яклаучыларына әверелде», – дип искәртте ТР дәүләт идарәсен цифрлы нигездә үстерү, мәгълүмати технологияләр һәм элемтә министры урынбасары Алексей Клонцак.
Ул билгеләп үткәнчә, тротуарда калдырылган автомобиль сәламәт кеше өчен бары тик киртә генә. Инвалидлар яки коляска тартып баручы әниләр исә машиналар йөри торган юлга чыгарга мәҗбүр була, ә бу аларның тормышына куркыныч тудыра.
Сүз уңаеннан, хәзерге вакытта Татарстанда «Юл хәрәкәте иминлеге» төбәк проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез