29 июль 2026 Яңалыклар

«Хәрәкәттә – бәрәкәт» кичәсендә урал татарларының «Уртак» биюен өйрәтәчәкләр

Иртәгә, 30 июльдә, Г.Камал театры янындагы амфитеатрда «Хәрәкәттә – бәрәкәт» проектының чираттагы бию остаханәсе узачак. Анда шәһәр халкы урал татарларының «Уртак» биюен өйрәнә алачак.

Бию серләренә хореограф Алия Төхбәтуллина һәм Рафаэль Мустяков җитәкчелегендәге «Яз» халык биюләре ансамбле өйрәтәчәк.

Бию кичәсен Г.Кариев театры артисты Булат Гатауллин һәм проект кураторы, Татарстан Дәүләт җыр һәм бию ансамбле артисткасы Алсу Мәгъсүмҗанова алып барачак.

Бию дәресе 18:00 сәгатьтә башлана. Шәһәр халкын Һади Такташ урамы, 74 нче йорт адресы буенча көтеп калалар.

Казанда «Хәрәкәттә – бәрәкәт» проектының алтынчы сезонына «Бию көрәше» турниры белән йомгак ясалачак. Катнашу өчен гаризаларны 10 августка кадәр кабул итәләр.

БЕЗНЕҢ МАКС КАНАЛЫНА ЯЗЫЛЫГЫЗ!