17 март 2026 Яңалыклар

«Зәкят» хәйрия фонды Рамазан аенда мохтаҗларга 6 млн сумга якын ярдәм күрсәтте

Рамазан ае тәмамланырга әле берничә көн бар, ә Татарстан Диния нәзарәтенең «Зәкят» хәйрия фонды «Рамазан – изге гамәлләр ае» хәйрия марафоны кысаларында 6 млн сумга якын ярдәм күрсәтергә өлгергән, дип яза ТР Диния нәзарәте матбугат хезмәте.

28 авыру бала, 26 аз керемле өлкән кеше һәм «Мөхәммәдия» мәдрәсәсе матди ярдәм алган. Моннан тыш, 250 гаилә 2,5 тонна азык-төлек белән тәэмин ителгән һәм 41 хәйрия ифтары оештырылган. Бу әле марафонның якынча нәтиҗәләре генә, чөнки Рамазанның соңгы 3 көнендә ярдәм кулы сузучылар саны тагын да арта.

Хәзерге вакытта фитр-садака, фидия һәм зәкят, шулай ук аз керемле гаиләләрне азык-төлек белән тәэмин итү һәм хәйрия ифтарлары уздыру өчен акча җыю дәвам итә. «Зәкят» хәйрия фонды, мөселманнарга уңайлы булсын өчен, бу эшне дистанцион каналлар аша үзәкләштереп оештыра, диелә хәбәрдә.

Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",