Яшел Үзән районында «Тур для СВОих» акциясе узган. Шәһәр илнең 7 төбәгеннән махсус хәрби операциядә катнашкан 75 ветеранны каршы алган. Делегациягә Россия Герое Алексей Чагин да кергән.
«Россия Героеның безгә килүе – зур горурлык. Җиңүгә 80 ел тулган, Яшел Үзәнгә «Хезмәт батырлыгы шәһәре» исеме бирелгән елда илнең төрле почмакларыннан махсус хәрби операциядә катнашучыларны каршы алу – безнең өчен аеруча зур дәрәҗә», – дип басым ясап әйткән район хакимияте башлыгы Михаил Афанасьев.
Очрашуга кадетлар һәм юнармиячеләр дә килгән. «Бүген һәлак булучыларны искә алырга һәм тыныч күк йөзен саклаучыларны котларга телибез», – дип сөйләп үткән «Татар-информ» хәбәрчесенә 11 нче урта мәктәпнең юнармия отряды әгъзасы Арина Нефедова.
Россия Геройлары Мәңгелек утка чәчәкләр салган. Шуннан соң Михаил Афанасьев чарада катнашучыларны һәммәсенә истәлек билгеләре – Яшел Үзән Гербы сурәтләнгән шевроннар тапшырган.
Делегация районның күренекле урыннарында – Раифа монастыренда, Җиңү паркы һәм Горький исемендәге заводта булган.
Исегезгә төшерәбез: Татарстан Рәисе Рөстәм Миңнеханов Мәскәү Кремлендә Россия Президенты Владимир Путин белән очрашуда республикадан 38 169 кешенең махсус хәрби операциягә китүе турында сөйләгән иде. «Бездә 15 Россия Герое бар, җидесе – үлгәннән соң. Республикадан 1829 хәрби Батырлык ордены белән бүләкләнде», – дип билгеләп үтте ул.
Сүз уңаеннан, хәзерге вакытта Татарстанда «Туристлык һәм кунакчыллык» илкүләм проекты проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез