Бүген яраткан язучыбыз Роберт Миңнуллин бакыйлыкка күчте. Ул — гомеренең соңгы сәгатенә кадәр халкы, милләте язмышын кайгыртып яшәгән шәхес. Соңгы еллардагы иҗаты аның халкы күз алдында булды. Роберт абый укучысын табадан гына төшкән шигырьләре белән инстаграмда таныштырып барды. Әле март аенда «ВТ»да дөнья күргән язмада да ул:
– Үзем өчен ачыш ясадым. Инстаграм минем өчен икән ул. Артык катлаулы түгел, укучының синнән төпле фикер көтүе дә күңелле. Китап чыгару – бик озак процесс. Ә монда язасың һәм ул шул мизгелдә укучыларыңа барып җитә,- дигән иде.
Сезгә аның соңгы елларда дөнья күргән шигырьләрен туплап бирергә булдык.
ФОТО: Роберт Миңнуллинның социаль челтәреннән.
