24 февраль 2026 Яңалыклар

«Ахырының башы»: Зеленский Россия белән конфликтның нинди стадиягә керүен әйткән

Россия белән Украина кораллы низагның «ахырының башы»нда тора, әмма төгәл гарантияләрсез генә утны туктату зур куркынычлар белән яный. Украина президенты Владимир Зеленский Financial Times хәбәрчесе белән әңгәмәсендә шул хакта белдергән, дип яза «Газета.ru».

Аның әйтүенчә, Киевка вакытлыча тынычлык түгел, бәлки хәрби хәрәкәтләрне тулысынча төгәлләү кирәк.

Зеленский басым ясап әйткәнчә, Украина «кичә дә, бүген дә, иртәгә дә» утны туктатуга мохтаҗ, әмма ышанычлы килешүләрдән башка гына яңа куркынычлар килеп чыгарга мөмкин. Ул Киевның тынычлык килешүенә ирешүне хәрби көчен ныгыту өчен кулланырга мөмкин булуы турындагы фикерне кире каккан.

Президент шулай ук Европа берлеген Украинаның берләшмәгә керүенең тәгаен датасын билгеләргә чакырган. Аның фикеренчә, бу вакыйга 2027 елда булырга тиеш. Зеленский Европа берлегенә керүне дистәләрчә елга сузмау өчен төгәл генә карар кабул ителүгә ирешәчәген билгеләп үткән.

Дәүләт башлыгы, янәсе, Россиянең «уен уйнавын» һәм конфликтны төгәлләүгә җитди карамавын әйткән. Аның сүзләренә караганда, АКШ президенты Дональд Трамп тынычлык урнаштыру өчен Мәскәүгә түгел, ә Киевка басымны ныграк ясый.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

СВО, эвакуированные, эвакуируемые, донбасс, днр, лнр , донецк , луганск , донецкая , луганская , переселенцы , украина , фейк , санкции , импортозамещение , "служба по контракту" , мобилизация , мобилизованные , "специальная военная операция" , "герой ро