Казанда һава чистарган

Бу хакта “Татар-информ”да узган очрашуда Росприроднадзорның Идел–Кама төбәкара идарәсе җитәкчесе урынбасары Булат Әхмәдиев әйтте.

– Казанның Химик урамындагы полигон ябылуга, халыктан моң-зарлар кимеде. Ике ел алып барылган җентекле тикшерүләр, күзәтүләр ярдәме без полигон эшчәнлеген туктата алдык. Шуннан соң сасы искә зарланып шалтыратулар кимеде. Бу полигон башка кулланылмый. Әлегә полигон юкка чыгарылмаган. Бу урынны кем тәртипкә китерергә тиешлеге суд аша хәл ителә, – диде ул. – Бер полигон ябылды дип кенә, чүп ташлау буенча кыенлыклар килеп чыкканы юк. Көнкүреш калдыкларын 2028 елга кадәр Көньяк полигон кабул итә.

БЕЗНЕҢ МАКС КАНАЛЫНА ЯЗЫЛЫГЫЗ!