– Яшьләр арасында махсус саклана торган урыннарны белүче юк. Шуны уйлап, узган елның декабреннән быелның октябренә кадәр без аларны укыттык. Мәктәп укучылары, студентлар белән бу урыннарга бардык. Тыюлыклар турында беләсе килүчеләр шактый булып чыкты. Катнашырга теләк белдереп, 160 гариза килде. Шуларның 40ын сайлап алдык. Алар төрле биремнәр үтәделәр. Барлык таләпләрне үтәгән ун кешене сайладык, – ди ул.
Иртәгә исә Казанның «МЕГА» сәүдә йорты янында шушы проектка нәтиҗә ясалачак. Биредә 300 дән артык укучы һәм студент килер дип көтелә. Алар өчен ярминкә дә узачак. Укучыларга экологиягә кагылышлы һөнәрләр турында сөйләячәкләр. Күп кенә оешмалар катнашырга теләк белдергән инде. Ярминкә төрле чараларга бай булачак. Биредә интерактив уеннар белән бергә концерт та узачак.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез