04 май 2026 Яңалыклар

Республикада соңгы ун елда сугышта катнашкан исән ветераннар саны ун тапкыр диярлек кимегән

Татарстанда 5534 Бөек Ватан сугышы ветераны һәм сугышта катнашучыларның 1017 тол калган хатыны яши. Әлеге мәгълүматларны бүген Татарстан Министрлар Кабинетында узган брифингта хезмәт, халыкны эш белән тәэмин итү һәм социаль яклау министры Эльмира Зарипова җиткерде.

Аның сүзләренчә, соңгы ун елда сугышта катнашкан исән ветераннар саны ун тапкыр диярлек кимегән.

Министрлык белешмәсе нигезендә, бүгенге көнгә 21 сугыш инвалиды, сугышта катнашып, инвалид булган 51 кеше, Бөек Ватан сугышы елларында хәрби хезмәтен хәрби частьләрдә, хәрби уку йортларында узган 20 кеше, «Камалыштагы Ленинградта яшәүчегә» күкрәк билгесе белән бүләкләнгән 64 кеше, концлагерьларда тоткын газапларын кичкән 77 кеше, 5301 тыл хезмәтчәне, сугыш инвалидлары һәм сугышта катнашучыларның 1017 тол калган хатыны яши.

Сүз уңаеннан, хәзерге вакытта Татарстанда «Озын һәм актив гомер» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",