Рөстәм Миңнеханов узган ел Татарстанда 35,2 миллион тонна нефть чыгарылуын әйтте

Татарстан Рәисе Рөстәм Миңнеханов Дәүләт Советына еллык юлламасында узган ел республикада 35,2 миллион тоннан нефть чыгарылуын, 24 миллион тонна нефть чималы эшкәртелүен билгеләп үтте.

«Республика икътисадының нигезен нефть-газ химиясе комплексы тәшкил итә. Бу тармакның әйдәп баручы компаниясе – «Татнефть» фәнни базасын үстерүне, инвестиция һәм биотехнологияләр, альтернатив энергия чыганаклары кебек өстенлекле юнәлешләрдә эшен дәвам итә», – диде Рәис.

Рөстәм Миңнеханов компаниянең кадрлар әзерләү өчен дә шартлар тудыруын билгеләп үтте.
«Нефть эшкәртүче оешмалар заманча җиһаз һәм технологияләр кулланып, яңа егәрлекләр кертү буенча проектларны тормышка ашыруын дәвам итә», – диде Татарстан Рәисе.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!