07 ноябрь 2025 Яңалыклар

Татарстанда 500 мең тонна «кара алтын» запасына ия булган яңа нефть чыганагы тапканнар

«Татнефть» белгечләре Кама буеның төньяк-көнбатыш төбәгендә, гадәти һәм цифрлы ысуллар ярдәмендә, 0,5 миллион тонна чамасы «кара алтын» запасына ия булган яңа нефть ятмаларын тапкан. Бу хакта «Вести Татарстана» «Нефтяные вести» компаниясенең корпоратив газетасы мәгълүматларына таянып яза.

«ТатНИПИнефть» институты белгечләре 2024–2025 елларда бу төбәктәге кызыл балчык катламнарында нефть ятмалары барлыгына ишарәләгән билгеләр тапкан.

Быел язын цифрлы ысулның нәтиҗәлелеге тәҗрибәдә расланган. Алданрак үткәрелгән тикшеренүләр Первомайск нефть чыганагы скважиналарындагы калган нефть запасларын гына күрсәтсә, мәгълүматларны яңа ысул белән тәфсилләп анализлау яңа нефть запасларын ачу мөмкинлеге биргән.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!