Татарстанның үзмәшгульләренә Татарстан Республикасы Икътисад министрлыгы, аның карамагындагы бизнесны үстерү институтлары белән бергәләп, «Эффектив һәм конкурентлы икътисад» милли проекты кысаларында ярдәм күрсәтә.
Исегезгә төшерәбез, Татарстанда үзмәшгульләр продукциясе күргәзмәләре 2019 елдан, эксперименталь салым режимы башланганнан бирле даими рәвештә уза. «Минем бизнес» үзәге халык күп йөри торган урыннарда яки зур шәһәр чаралары кысаларында сәүдә нокталары оештыра. Ел саен республиканың барлык үзмәшгульләренең йөзләгән кешесе чараларда катнаша.
Күргәзмәләр МЕГА сәүдә үзәгендә 10 ноябрьдән 3 декабрьгә кадәр узачак.
Анда Татарстан Республикасы территориясендә эшчәнлек алып баручы үзмәшгульләр катнаша ала. Гаризаларны МСП.рф санлы платформасында кабул итәләр.
Шуны билгеләп үтик, бүген республикада 433 меңнән артык үзмәшгуль граждан бар. Төбәкнең «Минем бизнес» үзәгендә Бердәм контакт-үзәк эшли, анда һәр эшкуар башлангыч этапта консультация генә түгел, ә үз эшен алга таба үстерү һәм масштабын арттыру өчен оптималь хокукый форма сайлауда да ярдәм ала ала.
Бизнесны яклау чаралары турында Бердәм контакт-үзәк номеры буенча белергә мөмкин: 8 (843) 524-90-90.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез