4 июль көнне иртәнге сигездә “Сабантуй онлайн” телемарафоны башлана.
“Яңа гасыр” каналы телемарафоны турында Иртәнге һәм тапшырулар дирекциясе җитәкчесе Леонард Дәүләтшин сөйләде:
– Телевизион марафонда без район башлыкларының Сабан туе белән котлауларны чыгарабыз, кыр батырларын күрсәтәбез. Шулай ук үткән еллардагы Федераль, Авыл, Европа сабантуйлары күренешләрен күрсәтәчәкбез.
Татарстан Мәдәният министрлыгы әзерләгән төп программа исә Казан ипподромында узачак.
Аны Татарстанның атказанган артистлары Данир Сабиров белән Гөлназ Сәфәрова алып бара. Ипподромда өч мәйдан оештырылачак. Аларда җырчылардан Марсель Вәгыйзов, Чулпан Йосыпова, “Казан егетләре”, “Ямьле” төркемнәре, Ваһапов фонды җырчылары, “Сорнай” ансамбле чыгыш ясаячак.
Ипподромда спорт мәйданчыгы да була. Анда театр артистлары, спортчылар катнашында милли уеннар оештырылачак.
Ә Казан Мәдәният институты оештырган программада бүләк җыю йоласы үткәреләчәк.
Кыскасы, Сабан туе була, ләкин анда халык катнаша алмый. Безгә экраннан карап хозурланасы гына кала.
Гөлинә Гыймадова
Даут.Авылыбызда ике мәчет,ике имам, Бер берсен тыңлап,аңлашып эшлиләр иде.Халыкта канәгать иде.кайсы мәчеткә барасың килә шунда бара идең. Бу 5-6кешегә нәрсәгә…Чирмешәннең «Мөшбикә» мәчете тирәсендә ни сәбәпле шау-шу купкан?
Загрузка ...
