08 март 2025 Яңалыклар

Казанда 1000 урынлык яңа СИЗО ачылачак

Казанда 1000 урынлык яңа тикшерү изоляторы әзер диярлек. Проект «Җинаять-башкарма системасын үстерү» федераль программасы кысаларында гамәлгә ашырыла, дип хәбәр иттеләр «ТР Баш инвестиция-төзелеш идарәсе» ДКУ матбугат хезмәтендә.

Бинаның мәйданы 21 мең квадрат метрдан артык. Хәзер анда инженер челтәрләрен монтажлыйлар, ремонт ясыйлар һәм территорияне төзекләндерәләр.

Соңгы мәгълүматлар буенча, объект 87 процентка әзер. Төзелеш ике ел элек башланган, ә быел төгәлләүне планлаштыралар. Ачылганнан соң анда арестантларны Япеев урамындагы 1 нче иске СИЗОдан күчерәчәкләр.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!