Яшьләр көнендә Татарстан Республикасы Президенты Рөстәм Миңнеханов Казанда «Урам» яңа экстрим-паркында сынау ярышларында булды, дип хәбәр итә республика җитәкчесенең матбугат хезмәте.
«Миллениум» күпере янындагы парк күп функцияле иҗтимагый киңлеккә әвереләчәк, төзелеш мәйданы 2 гектарга якын тәшкил итә.
BMX-фристайл буенча Россия чемпионы Ирек Ризаев тәэсирләре белән уртаклашты.
«Бу дөньяда иң яхшы мәйданчыкларның берсе! Австралиялеләр һәм америкалылар язалар, кунакка килергә телиләр», — дип сөйләде Татарстан Республикасы Президентына Ризаев.
