Котлыйбыз: "Ватаным Татарстан" тагын бер кызын кияүгә бирде

Бүген, 24 августта, хезмәттәшебез, яшь, талантлы журналист Чулпан һәм аның сөйгәне Зөлфәт туй көннәрен билгеләп үтә.

Мәңге бергә булырга вәгъдәләр бирешкән матур бәйрәмегез белән ихластан тәбрик итәбез!
Сезнең гомер буе сандугачтай сайрашып, күгәрчендәй гөрләшеп, бер-берегезне куандырып, бер-берегезгә терәк-таяныч булып яшәвегезне телибез. Тормышка гашыйк булып, шатланып гомер итәргә язсын!
Гаиләгез ныклы, сөюегез гомерлек булсын! Барыбызны сокландырып, якыннарыгызны куандырып, арагызга җил-давыллар кертмичә яшәгез! Парлы гомерегез бәхетле мизгелләргә бай булсын!

Иң изге теләкләр белән, "Ватаным Татарстан" газетасы редакциясе коллективы

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

Көн хәбәре