Татар эстрадасының популяр җырчылары Нурзадә Валиуллина һәм җырчы Азалия Зиннәт «Татарстан Республикасының атказанган артисты» исеменә лаек булды.
Мактаулы исем бирү турындагы указны Татарстан Президенты Рөстәм Миңнеханов имзалаган. Әлеге указ Татарстан Президентының рәсми сайтында чыккан.
Шундый ук мактаулы исем танылган артист-вокалист, бик күп җырлар авторы Айдар Тимербаевка да бирелгән.
