4 сентябрьдә Казан вертолет заводына 80 ел тула.
Бу вакыт эчендә завод 12 меңгә якын вертолет җитештергән, алар бөтен дөнья буенча 50 миллионнан артык очыш ясаган.
Казанның башка заводлары белән беррәттән, сугыш елларында КВЗ фронтны хәрби машиналар белән тәэмин итә.
Татарстанлыларның хезмәт батырлыгын олылау, һәр предприятиенең Бөек Җиңү эшенә керткән өлешен билгеләп үтү өчен, республикада «Хезмәт батырлыгы предприятиесе» проекты старт алды.
Без Казанда Бөек Ватан сугышы вакытында эшләгән заводлар, фәнни-тикшеренү институтлары, җитештерү берләшмәләре турында сөйлибез.
Без хезмәт батырлыгы предприятиесен – Казан вертолет заводын тәкъдим итәбез.
#Казан #Хезмәтбатырлыгышәһәре
