Җырчылар бүген өйләренә кайта. Исегезгә төшерәбез, 21июнь көнне Алсу кыз бәби тапты. Сабыйны кесеров кисеме белән алгач, Азат та Алсуның янәшәсендә булды. Алар сабыйларына исемне инстаграмм дуслары белән бергәләп сайлады.
— Анда төрле исемнәр тәкьдим иттеләр. Үз исемнәрегездән ясагыз дип тә яздылар. Шулай эшләдек тә. Кызыбызга Зифа исемен сайладык. З хәрефе — Азатта, Аязда, И — Ильяста, Ф хәрефе — Фазлыевларда, А — миндә. Кызыбызның исеме бик ошый. Мәгьнәле, русча да, татарчада бер төсле языла, — ди Алсу. — Өйгә кайтырга җыенабыз. Без — бик бәхетле. Аллаһы Тәгаләгә чиксез рәхмәт!
Гөлгенә Шиһапова
