Россия Президенты Владимир Путин күп балалы гаиләләр өчен бирелә торган участокларны кирәкле инфраструктура белән тәэмин итү чараларын кайгыртырга кушты.
– Россия Хөкүмәтенә субъектларның башкарма хөкүмәт органнары белән берлектә өч һәм аннан да күбрәк балалары булган гаиләләргә бирелә торган җир кишәрлекләрен кирәкле инфраструктура (инженер, коммуналь, социаль) белән тәэмин итү мәсьәләсен карарга, – диелә Кремльнең матбугат үзәге хәбәрендә.
Әлеге йөкләмә 2022 елның 1 июленә кадәр үтәлергә тиеш. Аның үтәлеше өчен җаваплы кеше итеп Хөкүмәт Рәисе Михаил Мишустин билгеләнгән.