Италия галимнәре Төркиянең көньягында җир тетрәүнең җирнең каты тышчасы (литосфера) катламнарын өч метрга күчерүен билгеләгән. Италиянең Геофизика һәм вулканология институтында шул хакта белдерелгән”, – дип яза “РИА Новости”.
Белгечләр мәгълүматларына караганда, җир тетрәү Аравия катламын (Аравия ярымутравы тирәсендәге җир тышчасы) Анатолий катламыннан (Анатолий ярымутравы – Төркия тирәсендәге җир тышчасы) чама белән өч метр ераклыкка күчергән. “Төркиянең көньяк-көнбатышка таба күчүе кебек бу”, – диелгән хәбәрдә. Катламнар кимендә 150 чакрым озынлыкта аерылып киткән.
Исегезгә төшерәбез: 6 февраль иртәсендә Төркиянең көньяк-көнчыгыш төбәгендә көче 7,7 балл белән исәпләнгән бик каты җир тетрәү булган. Фаҗигадә 3 меңнән артыграк кеше һәлак булган, 20 меңнән күбрәге зыян күргән, 6 мең бина җимерелгән. Һәлак булучылар арасында безнең илдән дә бер хатын-кыз бар.
Төркиягә ярдәм итү өчен Россиядән коткаручылар килгән. Алар иң нык зыян күргән районнарда эшләячәк.
