Муса Җәлил айлыгы
Муса Җәлилнең безнең редакциягә язган хаты: «Бу – нигезсез гайбәт»
Быел татар халкының каһарман улы, Советлар Союзы Герое, СССРның Ленин премиясе лауреаты Муса Җәлилнең тууына – 120 ел. Аның исеме газетабыз өчен бик кадерле. Узган гасырның 20 нче елларында ул «Кызыл Татарстан» (хәзерге «Ватаным Татарстан») газетасында хезмәт куя. Соңрак, инде шагыйрь буларак танылгач та, газета белән араны өзми.
