Чаллы прокуратурасы ялган дипломнар сатучы сайтларны ябуга иреште, дип хәбәр итте ТР прокурорының өлкән ярдәмчесе Руслан Галиев.
«Интернет челтәрләрнең мониторингы барышында ведомство белгечләре дипломнар сату турында мәгълүмат бастырылган дүрт интернет-ресурс ачыклады», – дип сөйләде Галиев.
Нәтиҗәдә, прокуратура, тарату тыелган мәгълүмат өчен, ресурсларны ябу таләбе белән, судка дәгъва юллаган. Дәгъва канәгатьләндерелгән.
