Мәскәүдә узган “Алтын көз” форумында Татарстан Министрлар Кабинетының Баш ветеринария идарәсе берничә номинациядә җиңү яулаган. Бу хакта идарәнең матбугат үзәге хәбәр итә.
«Хайваннарның йогышлы авыруларын профилактикалау һәм бетерү программасын эшләү һәм гамәлгә кертү өчен» номинациясендә – алтын, «Төбәктә ветеринария традицияләрен һәм тарихын популярлаштыруга, һөнәри юнәлеш бирүгә, саклап калуга өлеш керткән өчен» номинациясендә – көмеш, «Россия территориясендә хайваннарның аеруча куркыныч авыруларын локальләштерүне һәм бетерүне оештырган өчен» номинациясендә көмеш медаль алган.
