Республика Президенты Рөстәм Миңнеханов традицион шимбә планлаштыруында министрлыклар һәм ведомстволар, муниципаль берәмлекләр вәкилләренә гражданнарны штат режимында кабул итү эшен дәвам итүне йөкләде.
“Безнең республика гражданины дәүләт хакимияте органына мөрәҗәгать итә алмаган бер җирдә дә булырга тиеш түгел. Махсус санитария — эпидемиологик вәзгыять белән бәйле рәвештә эшне көчсезләндерүгә юл куярга ярамый”, — диде Президент.
Шулай ук Президент урыннардагы җитәкчеләрне кибетләрдә, даруханәләрдә кирәкле продукциянең барлыгын һәм аның бәясен тикшереп торырга өндәде.
