Федераль регистр мәгълүматлары буенча Татарстанда барлыгы 3720 коронавирус йоктыру очрагы теркәлгән (10 июньгә караган мәгълүмат буенча).
Бу саннарны Татарстан Президенты матбугат хезмәте җитәкчесе Лилия Галимова җиткерде.
— Федераль регистрда 3720 авыру очрагы теркәлде. 2767 кеше савыккан. Коронавируслы сырхаулар өчен республикада 4728 койка-урын бар. Авырудан үлүчеләр саны — 10 кеше, — диде ул.
