Элекке «Мирас» журналының баш мөхәррире Әхмәт Сәхапов 2020 елның 8 октябрендә вафат булган. Бу хакта «Татар-информ» мәгълүмат агентлыгына «Мирас» журналында мәрхүм белән бергә эшләгән коллегалары хәбәр итте.
«Без Әхмәт белән 17 ел „Мирас“ журналында эшләдек. Әхмәт авыргач, аңа ярдәм итә алмадылар. Озакка сузылган авырудан соң, ул вафат булды», — диде «Мирас» журналында баш бухгалтер булып эшләгән Дания Фәтхуллина.
Шулай ук Әхмәт Сәхаповның вафат булуын аның коллегалары журналист Фирдәвес Зариф белән журналист Флера Гиниятуллина да раслады.
Миңнәхмәт Җәмил улы Сәхапов 1957 елның 12 августында Татарстан Республикасының Әлмәт районы Түбән Абдул авылында туган. «Татарстан яшьләрендә», соңрак Татарстан китап нәшриятында эшли. Ул 1991-2010 елларда үзе нигез салган «Мирас» журналының баш мөхәррире булып эшли.
Әхмәт Сәхаповка кагылышлы ике гауга булды. 1998 елда, ул «Исхакый иҗаты һәм XX йөз татар әдәбияты» дигән темага докторлык диссертациясен яклый, Исхакый турындагы фәнни хезмәтләрдә башка кешеләрнең хезмәтләрен файдаланган дигән дәгъва булды.
«Барбаросс» инкыйразы» пьесасында (Әхмәт Сәхапов һәм Эсфир Яһүдин авторлыгында) Муса Җәлилнең Гитлер белән очрашуларын, аның фашистик Германиядә депутат булуын сурәтләү җәмәгатьчелектә зур ризасызлык уята. Җәлилнең кызы Чулпан шикаяте буенча 2010 елда җинаять эше кузгатыла. Экспертиза нәтиҗәсендә Сәхапов психик яктан сәламәт түгел дип табыла. Журнал ябыла, шуннан соң Сәхапов әдәбиятчылар даирәсендә күренми башлый.
