Стәрлетамак – Федоровка юлының 33 чакрымында «ЗАЗ Chance» һәм «Chevrolet Cruze» бәрелешкән. «Мой Башкортостан» журналистына 27 яшьлек «Chance» шоферының якыннары сөйләвенчә, кыз үлгән, яшь ярымлык улы реанимация бүлегендә урнашкан. Бала аңына килгән, тик әлегә аны наркоз астында тоталар.
Моннан тыш, гаилә фаҗига шаһитларын эзли. Әңгәмәдәшләрнең берсе бу хәлне «бәхәсле һәм буталчык» дип атады. Аның сүзләренә караганда, адвокатлар хокук сакчылары төзегән юл-транспорт схемасында хаталар булырга мөмкин, дип саный. Мәрхүмнең гаиләсенә һәм адвокатка документлар белән танышырга бирмәгәннәр, шуңа күрә «Chevrolet» машинасын йөртүче ягы өстенлекле хәлдә дип саный.
«Безнең белән элемтәгә керүче дә юк», — дигән әңгәмәдәш.
Искәртеп узабыз, бәрелешкәндә «Chevrolet Cruze» шоферының 28 яшьлек хатыны да җәрәхәтләр алган, ул хастаханәгә салынган. Башкортстан Сәламәтлек саклау министрлыгында зыян күргән ике кешенең – бала һәм кызның сәламәтлеге уртача авырлыкта дип бәяләнә.
