Программа 7 процентлы еллык ставканы саклап калуны күздә тота.
Татарстан Президент Рөстәм Миңнеханов Мәскәүдә Төзелеш һәм торак-коммуналь хуҗалык министрлыгы белән Россия Дәүләт Советы комиссиясе коллегиясенең уртак утырышында катнаша. Утырыш “Төзелеш, торак-коммуналь хуҗалык, шәһәр мохите” юнәлеше буенча үткәрелә.
Президентның матбугат хезмәте җитәкчесе Лилия Галимова белдергәнчә, Рөстәм Миңнеханов, торакка ихтыяҗга этәргеч бирү чарасы буларак, ташламалы ипотека программасын 2024 елга кадәр озайту, 7 процентлы еллык ставканы саклап калу һәм кредит күләмен 3 миллион сумнан 6 миллион сумга җиткерүне тәкъдим иткән.
Моннан тыш Рөстәм Миңнеханов ташламалы ипотека программасына индивидуаль торакны кертүне тәкъдим иткән. Аның фикеренчә, беренчел базарда бәя үсүне тоткарлауга ярдәм итәчәк бу.
