Бүген, 14 апрельдә, Татарстанда җылы, әмма дымлы һава торышы көтелә. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Республикада алмашынучан болытлы һава, урыны белән яңгыр явачак. Төнге һәм иртәнге сәгатьләрдә томан төшәчәк, дип кисәтә синоптиклар.
Татарстанда төнлә – 0-5 градус җылы, көндез 8-13, республиканың көньяк-көнчыгышында 14-19 градус җылы булыр дип көтелә.
