Татарстанның Яңа Чишмә районында 19 яшьлек Данил Малолетконы җирләделәр. Егет Украинада махсус операция вакытында йөкләнгән бурычларны башкарганда һәлак булган, дип хәбәр итте Яңа Чишмә районы башлыгы Вячеслав Козлов социаль челтәрләрдәге битендә.
Һәлак булган солдат белән хушлашу мәрасиме кичә булды. Аның нинди шартларда һәлак булуы турында хәбәр ителми.
«Бүген барлык район халкы Украинадагы махсус операция вакытында һәлак булган якташыбызн Малолетко Данил Сергеевичны соңгы юлга озата. Геройның якты истәлеге күңелләрдә сакланыр, Россия патриотын тәрбияләгән әти-әнисенең кайгысын уртаклашып, алар алдында баш иябез», — дип язды үз битендә район башлыгы.
Яшь солдат үлгәннән соң Батырлык ордены белән бүләкләүгә тәкъдим ителгән.
Ни очен шундый яшь малайны сугышка жибэрэлэр микэн ?