Новосибирск өлкәсендә әни кеше алты айлык баласын елаганга диванга ыргыта, бала шунда ук җан бирә. Хатын-кызны үтерүдә гаеплиләр, дип хәбәр итә Россия Тикшерү комитетының тикшерү идарәсе.
Ведомство мәгълүматлары буенча, фаҗига 17 июньдә Барабинск шәһәрендә булган. Хатын-кыз баланы берничек тә тынычландыра алмый һәм түзә алмыйча, бар көченә аны диванга ыргыта. Бала шунда ук җан бирә.
Хатын-кыз үз гаебен тулысынча таныган. «Саксызлык аркасында үлем китерү» маддәсе буенча җинаять эше кузгатылган.