2022 елның 6 сентябреннән 3 октябренә кадәр «Милли приоритетлар» җәмгыяте Учи.ру белем бирү платформасы белән берлектә, «Мәдәният» милли проектын алга этәрү максатыннан коммерцияле булмаган агарту инициативасын – рус теле һәм әдәбияты буенча 1-9 сыйныф укучылары өчен бөтенроссия онлайн – олимпиадасын тормышка ашыра. Олимпиада сайты: https://uchi.ru/.
Олимпиаданың максаты-укучыларның рус теленә, әдәбиятка һәм укуга кызыксынуларын арттыру, иҗади сәләтләрен үстерүдә ярдәм итү, гуманитар фәннәрне өйрәнүгә сәләтле укучыларны билгеләү. Интерактив биремнәр укытучыларга укучыларның рус теле һәм әдәбияты буенча төп темаларга аңлавын бәяләргә, ә катнашучыларга рус мәдәнияте турында белемнәрне системалаштырырга һәм аңлатырга мөмкинлек бирә. Биремнәрне уңышлы үтәү өчен мәктәп программасын тирәнтен белү кирәк түгел, бу барлык студентларга җиңү өчен тигез мөмкинлек бирә.
Олимпиада онлайн – форматта үткәрелә, катнашу өчен заманча браузерлы һәм интернетка чыгу мөмкинлеге булган компьютер яки планшет булу да җитә. Укытучылар өчен олимпиада сайтында рус әдәбияты буенча сыйныф сәгате үткәрү өчен методик материаллар һәм сценарийлар да урнаштырылган.
Бөтенроссия олимпиадасы турында тулырак мәгълүмат Учи.ру сайтында.
