Андрей Большаков, Казан (Идел буе) федераль университеты каршындагы иҗтимагый-сәяси һәм этноконфессиональ мәсьәләләр буенча эксперт советының җаваплы сәркатибе:
— Былтыр юллама кешеләрнең тормыш сыйфаты, социаль проблемаларга йөз тоткан, аерым алганда позитив юллама булса, быел исә, хэрби операциягә бәйле рәвештә, эчтәлек тә үзгәрә. Рөстәм Миңнехановның төп чыгышы мобилизациягә бәйле иде. Төгәлләштереп әйткәндә, сүз хәрбиләрне махсус хәрби операция зонасына җибәрү турында гына түгел, икътисади, идарәгә бәйле мобилизация турында бара. Президент икьтисади сорауларга күп игътибар бирде.
