Коточкыч вакыйга Татарстанның Лаеш районында булган. Анда ике кечкенә кыз үсә торган гаилә башлыгын балигъ булмаганнарга карата җенси көчләүдә гаеплиләр. Шул ук вакытта тикшерү процессында корбаннарның берсе гаепләнүченең кызы да булган, бу хакта аның хатыны сөйләгән. Бүгенге көндә ир-ат СИЗОда судны көтә. Ир-ат гаиләсен аннан да тынычлыкта калдырмый, дип хәбәр итә Татарстан-24.
Гаепләнүченең хатыны сүзләренчә, ул эштән иртәрәк кайткан һәм ирен йокы бүлмәсендә балигъ булмаган бала белән тапкан. Укучы кыз бала чактан ук гаиләгә якын булган һәм хәтта бу гаилә башлыгын бабасы дип тә йөрткән. Башта кыз сорауларга җавап бирүдән баш тарткан, тик аннары барысын да сөйләп биргән һәм аны бабасыннан яшерергә сораган.
«Ул коточкыч нәрсәләр сөйли. Ирем аны сигез яшьтән көчли икән. Тоткарлаганда аңарда наркотиклар тапканнар «, — дип сөйли гаепләнүченең шок хәлендәге хатыны.
