Балашихада укучылар балалар мәйданчыгына билгесез тартма алып килгәннәр, шуннан соң анда шартлау яңгыраган, дип хәбәр ителә Shot Telegram-каналында.
Чыганак мәгълүматлары буенча, Балашихада Юбилейный урамында урнашкан йортларда яшәүчеләр бик каты яңгыраган шартлау ишеткәннәр. Алар булган хәл турында полициягә хәбәр иткәннәр.
Шаһитлар сүзләренчә, яшүсмерләр яшендәге берничә малай балалар мәйданчыгына тартманы алып килгән, алар аны анда калдырганнар, ә үзләре качканнар. Берничә минуттан шартлау ишетелгән.
Инцидент нәтиҗәсендә беркем дә зыян күрмәгән. Хокук саклау органнары хезмәткәрләре булган хәлнең барлык шартларын һәм сәбәпләрен ачыклый. Алар тартма эчендә нәрсә булганлыгын, шулай ук мәктәп укучыларының шәхесләрен ачыклыйлар.
