Шәһәрдә яшәүчеләр төшергән сурәтләргә караганда, боз бөртегенең диаметры 1 сантиметрга җитә.
Иннополиста бик эре боз явып үткән. Шәһәрдә яшәүчеләрнең социаль челтәрләргә урнаштырган фотосурәтләренә караганда, боз бөртегенең диаметры 1 сантиметрга җитә.
Тәтеш районында яшәүчеләр исә бүген иртән беренче кар явуын күзәткән. Бу хакта “KazanFirst” хәбәрчесенә Казан федераль университетының метеорология кафедрасы доценты Тимур Әүһәдиев сөйләп үткән.
Сүз уңаеннан, моңа кадәр Татарстанга бик көчле кар-буран якынлашуы турында язган идек. Күрше төбәкләрдә яшәүчеләр социаль челтәрләрдә “буранлы” кадрлар белән бүлешкән дә инде.
