Хәзерге вакытта суд хөкемендә дәүләт хезмәтеннән чиновникларны эштән азат итү турында 5 гариза карала. Бу хакта Татарстан прокуроры Альберт Сөяргулов журналистлар белән очрашуда әйтте. Ул бу юнәлештә эшне көчәйтергә кирәклеген белдерде.
Прокуроры сүзләренчә, ел саен республикада 1 меңнән артык коррупцион җинаять ачыклана. Татарстанда коррупциягә бәйле җинаятьләрдән килгән гомуми зыян күләме 3 млрд сумнан артып киткән.
Альберт Сөяргулов әйтүенчә, бернинди казанышлар җаваплылыктан качу өчен нигез була алмый. «Җәза котылгысыз», — диде ул.
