Акция 5 апрельдә үткәреләчәк.
Татарстан Милли музеена 129 ел тулуның билгеләп үтелүе сәбәпле, бу айда оешма филиалларына бушлай керү көне 5 апрельгә күчерелә. Казан мэриясе сайтында, музейның матбугат хезмәте мәгълүматларына таянып, шул хакта хәбәр ителә.
Шулай итеп, Казанда яшәүчеләр һәм кунаклар түбәндәге музейларга бушлай керә алачак:
— Габдулла Тукайның әдәбият музеена;
-Горький һәм Шаляпин музеена;
— Ленин музей-йортына;
— Муса Җәлил музей-фатирына;
— Боратынский музеена;
— 1941-1945 елгы Бөек Ватан сугышы музей-мемориалына;.
— Шәриф Камал мемориаль фатиры белән татар әдәбияты тарихы музеена;
— Каюм Насыйри музеена.
Экскурсияләр, мастер-класслар., музей программалары буенча чаралар өчен түләргә кирәк — https://kzn.ru/meriya/press-tsentr/novosti/kazantsy-smohut-besplatno-posetit-natsmuzey-rt-i-ego-filialy/
